Kanca Cilik

Kanca Cilik

Jenengku Shinta, aku seneng banget dolan ngendi-ngendi, cara gaul e yaiku "ngetrip". Adus kali, penekan wit, nganti tekan sawah. Aku duwe kanca cilik jenenge Yona, Lesti, Putra, Arjuna, Rendi karo Ari. Nah kabeh kuwi kancaku dolanan saben dina. Bocah cilik kuwi ora mikir beban, urip e bendinane mung seneng-seneng wae.

Saiki dinane setu, aku sekolah bali jam 10. Kaya biasane aku karo kanca-kancaku bali bareng-bareng. Liwat sawah sing ijo banget. Nyanyi bareng, Gojegan bareng.

 

"he cah, dimatke kae tengah sawah, manuk e akeh banget tur warnane putih, apik cah." kandhane Rendi. 

"wahh iya cah, akeh banget. Nah yen kae jenenge manuk kunthul cah." wangsulane Putra.

"iya, kae manuk kunthul kae. Yen mabur sok baris kaya pasukan tentara tar-tar. hehe" gojeganku

"ha? Pasukan tentara tar-tar? ahahaha" serempak cah 6 mau guyu nggegek.

 

Lajeng cah 7 mau mbacutke lakune bali ngomah. Lhadalahh ora suwi, Yona karo Lesti ngerasa ngelih wetenge, cah 7 mau mandheg. Njuk lenggah ing pringgitan kali. 

 

"cah aku ngelih tenan ki rasane." kandhane Lesti.

"hooh aku ya ngelih ki cah, mbok mandheg dhisik wae, golek-golek apa ngono sek isa nggo maem." kandhane Yona. 

"lha kae enek wit jambu karo belimbing cah, gek ayo dha menek, ning sadurunge kandha karo sing duwe dhisik ya ben ra dikira nyolong." kandhane Arjuna.

"walahh ra sah kandha, selak ngelih je, langsung dipenek wae, neh aku wae sing menek." wangsulane Ari.

"ya ra entuk ngunu kuwi ri, mau lak ya bu guru wis ngendhika. Menawa meh jupuk apa-apa sing dudu nggone awak dhewe kuwi kudu kandha dhisik, ndak ra barokah mengko." ngendhikane Shinta

"iya wis iya, gek ndang kandhakke, gek ndang tak peneke wite." Ari kandha ning Shinta karo Arjuna.

Lajeng Arjuna kandha dhateng pak Paijo. Shinta, Ari, Yona, Lesti lan Arjuna langsung menek wit jambu lan belimbing kae mau. Dene Putra karo Rendi, lagi anteng dolanan banyu kali, njuk kelambine saya kebles banyu kali. Bibar e cah 4 penekan wit jambu lan belimbing kuwi mau, njuk langsung padha jegurke awake dhewe-dhewe ning kali. Dha kesenengen kungkum jero kali, reti-reti seragame Rendi katut kintir ilining banyu, Rendi nangis, merga wedi ndak disengeni karo ibu bapake. Bar kuwi kanca-kancane padha ngleremke atine Rendi. Merga ra tegel ngematke Rendi nangis keweden, Putra ngewenehke seragame nyang Rendi. Njuk cah 7 kae mau bali ngomahe dhewe-dhewe.

 

Ancas, Tuladha Nyerat Fiksi Jawi

Ancas Ugi Tuladhanipun Nyerat Fiksi Jawi

Nyerat menika ngandharaken ide gagasan saking seratan. Nyerat menika gadhah 5 ancas inggih menika :

1. Ekspresif : seratan ingkang nedhahaken menapa kemawon ingkang dipun raosaken.

    Tuladhanipun : 
wonten basa Indonesia ingkang kapetik saking laman menika http://khairul-anas.blogspot.com/2010/06/penulisan-catatan-harianpengalaman.html#ixzz4LNsR0lmB  wonten kolom tiga nomer 1:

Solo, Senin 7 Mei 2007
Hari ini aku bertemu teman lama. Senang banget deh rasanya, soalnya
sudah lama aku tidak mendengar kabar tentang dia.

menika basa Jawinipun:

Solo, Senin 7 Mei 2007 

Dina iki aku ketemu kanca jaman biyen. Bungah banget deh rasane, soale wis
suwi banget aku ora ngerungokke kabar seka cah kae.

2. Informatif : seratan ingkang nedhahaken utawi ngandharaken informasi utawi katrangan kangge tiyang sanesipun. Tuladhanipun :

 

https://www.google.com/search?q=contoh+woro+woro+kerja+bakti&client=firefox

 

3. Estetis : seratan ingkang gayutipun kaliyan kaendahan, basa ugi wosipun dipuntata supados saged endah. Tuladhanipun:

LUMUNTURING BUDAYA

Tumetesing waspa dumlewer ing pangarasanku

Nglentrihing pandulu ginambar ing netraku

Ancluming praupan kawistara ing pasuryanku

Legeg trenyuh ginawa ing panggalihku

Amersani jaman saiki

Tumpraping polah tingkahing putra lan putri

Kang wis ninggalake subasita

Nerak angger-anggering budaya

Lali ing tatakrama mbuwang sekabehing unggah-ungguh basa

Kabeh rumangsa nistha

Yen isih ngugemi pranatan budaya bangsa

Sanadyan jaman wis maju

Aja banjur dadi kleru

Crita leluhur ginubah sawiyah-wiyah

Busana owah samesthine

Tetunggangan, wisma, laladan rinepta beda saka asline

Apa kita wis ora ngregani budaya kita dewe?

Apa budaya kita wis ora ana ajine?

Apa budaya kita wis kedaluwarsa?

Apa budaya kita wis luntur?

Pemuda pemudi jaman saiki

Unggah ungguh basa wis dilirwakake

Tata krama wis ditinggalna

Tata wicara wis ninggalake subasita

Apa sing salah sekolah?

Apa sing salah ibu bapak?

Apa kabeh salah?

Nyatane budaya bangsa wis ditinggalake

Wis arep luntur amerga pokale kita dhewe.

Ki Andanawarih

Kapacak ing kalawarti Panjebar Semangat No. 46 – 15 November 2008

http://basajawaasli.blogspot.co.id/2014/11/kumpulan-20-geguritan-terbaik-dan-20.html

4. Argumentatif : seratan ingkang ancasipun ngewahi pola pikire tiyang sanesipun supados sami kaliyan punapa ingkang dipunkersakaken panyerat. Kanthi mbeberaken bukti ugi kasunyatan, supados tiyang ingkang maos saged percaya kaliyan menapa ingkang dipunserat dening panyerat kala wau. Tuladhanipun:

"Ngombe alcohol sajroning wektu kang suwe bisa ndadeake tiwas amarga keracunan utawa kacilakan. Ing Amerika Serikat saben tahun 25.000 luwih wong mati amarga kacilakaan lalu lintas awit nyopir kanthi mendem. Luwih saka 150.000 jiwa tumindak kasar kleebu nglalu, amarga mendem. Ana 40 yuta anak lan bojone padha sengsara nandhang tekanan mental, awit salah sijine anggota keluarga nyandu alcohol. Biasane uga wong kang senenge mendem wonge gampang nesu, awake rusak, pikirane cethek lan seneng sekarepe dhewe."

http://corojowo.blogspot.co.id/2010/08/nulis-wacana-argumentasi-lan-persuasi.html 

5. Persuasif :  seratan ingkang ancasipun ngajak tiyang sanesipun supados jumbuh, supados percaya kaliyan menapa ingkang dipunkersaaken dening panyerat. Tuladhanipun : poster, brosur, iklan, selebaran, propaganda.

 

http://corojowo.blogspot.co.id/2010/08/nulis-wacana-argumentasi-lan-persuasi.html

https://www.google.com/search?q=contoh+iklan+jawa&ie=utf-8&oe=utf-8&client=firefox-b-ab