Ancas, Tuladha Nyerat Fiksi Jawi

Ancas Ugi Tuladhanipun Nyerat Fiksi Jawi

Nyerat menika ngandharaken ide gagasan saking seratan. Nyerat menika gadhah 5 ancas inggih menika :

1. Ekspresif : seratan ingkang nedhahaken menapa kemawon ingkang dipun raosaken.

    Tuladhanipun : 
wonten basa Indonesia ingkang kapetik saking laman menika http://khairul-anas.blogspot.com/2010/06/penulisan-catatan-harianpengalaman.html#ixzz4LNsR0lmB  wonten kolom tiga nomer 1:

Solo, Senin 7 Mei 2007
Hari ini aku bertemu teman lama. Senang banget deh rasanya, soalnya
sudah lama aku tidak mendengar kabar tentang dia.

menika basa Jawinipun:

Solo, Senin 7 Mei 2007 

Dina iki aku ketemu kanca jaman biyen. Bungah banget deh rasane, soale wis
suwi banget aku ora ngerungokke kabar seka cah kae.

2. Informatif : seratan ingkang nedhahaken utawi ngandharaken informasi utawi katrangan kangge tiyang sanesipun. Tuladhanipun :

 

https://www.google.com/search?q=contoh+woro+woro+kerja+bakti&client=firefox

 

3. Estetis : seratan ingkang gayutipun kaliyan kaendahan, basa ugi wosipun dipuntata supados saged endah. Tuladhanipun:

LUMUNTURING BUDAYA

Tumetesing waspa dumlewer ing pangarasanku

Nglentrihing pandulu ginambar ing netraku

Ancluming praupan kawistara ing pasuryanku

Legeg trenyuh ginawa ing panggalihku

Amersani jaman saiki

Tumpraping polah tingkahing putra lan putri

Kang wis ninggalake subasita

Nerak angger-anggering budaya

Lali ing tatakrama mbuwang sekabehing unggah-ungguh basa

Kabeh rumangsa nistha

Yen isih ngugemi pranatan budaya bangsa

Sanadyan jaman wis maju

Aja banjur dadi kleru

Crita leluhur ginubah sawiyah-wiyah

Busana owah samesthine

Tetunggangan, wisma, laladan rinepta beda saka asline

Apa kita wis ora ngregani budaya kita dewe?

Apa budaya kita wis ora ana ajine?

Apa budaya kita wis kedaluwarsa?

Apa budaya kita wis luntur?

Pemuda pemudi jaman saiki

Unggah ungguh basa wis dilirwakake

Tata krama wis ditinggalna

Tata wicara wis ninggalake subasita

Apa sing salah sekolah?

Apa sing salah ibu bapak?

Apa kabeh salah?

Nyatane budaya bangsa wis ditinggalake

Wis arep luntur amerga pokale kita dhewe.

Ki Andanawarih

Kapacak ing kalawarti Panjebar Semangat No. 46 – 15 November 2008

http://basajawaasli.blogspot.co.id/2014/11/kumpulan-20-geguritan-terbaik-dan-20.html

4. Argumentatif : seratan ingkang ancasipun ngewahi pola pikire tiyang sanesipun supados sami kaliyan punapa ingkang dipunkersakaken panyerat. Kanthi mbeberaken bukti ugi kasunyatan, supados tiyang ingkang maos saged percaya kaliyan menapa ingkang dipunserat dening panyerat kala wau. Tuladhanipun:

"Ngombe alcohol sajroning wektu kang suwe bisa ndadeake tiwas amarga keracunan utawa kacilakan. Ing Amerika Serikat saben tahun 25.000 luwih wong mati amarga kacilakaan lalu lintas awit nyopir kanthi mendem. Luwih saka 150.000 jiwa tumindak kasar kleebu nglalu, amarga mendem. Ana 40 yuta anak lan bojone padha sengsara nandhang tekanan mental, awit salah sijine anggota keluarga nyandu alcohol. Biasane uga wong kang senenge mendem wonge gampang nesu, awake rusak, pikirane cethek lan seneng sekarepe dhewe."

http://corojowo.blogspot.co.id/2010/08/nulis-wacana-argumentasi-lan-persuasi.html 

5. Persuasif :  seratan ingkang ancasipun ngajak tiyang sanesipun supados jumbuh, supados percaya kaliyan menapa ingkang dipunkersaaken dening panyerat. Tuladhanipun : poster, brosur, iklan, selebaran, propaganda.

 

http://corojowo.blogspot.co.id/2010/08/nulis-wacana-argumentasi-lan-persuasi.html

https://www.google.com/search?q=contoh+iklan+jawa&ie=utf-8&oe=utf-8&client=firefox-b-ab

Welinge Ibu saha Gegayutanku

"Welinge Ibu Wonten Gayutanipun kaliyan Pangajab"

 

 

Setunggal warsa kepungkur, kula tumut seleksi seleksi SBMPTN. Amargi kula tiyang Surabaya, dados anggenipun kula tes menika wonten Surabaya, inggih menika wonten kampus UNESA ketintang. Ati kula rumaos ajrih, bungah ugi amargi anggenipun tes menika kula mboten piyambak, ananging sareng-sareng kaliyan kanca-kanca.

Bibaripun tes, kula kedah nengga woro-woroipun saking internet. Nalika woro-woroipun sampun medal asilipun, ugi saged dipun akses, kanca-kanca kula sampun sami mriksani asilipun, ananging kula dereng saged mriksani amargi kala menika kula taksih wonten adicara sanggar. kanca-kanca kula kathah sanget ingkang ketampi wonten universitasipun piyambak-piyambak.

Lajeng sasampunipun adicara menika pungkasan, kula mriksani aslipun wonten internet. Ati kula tansah rumaos mak deg mak tratap. Amargi ajrih mbok bilih mboten ketampi wonten universitas ugi jurusan ingkang kula remeni. Nalika asilipun medal, ndilalah kersane Gusti Allah, kula ketampi wonten UNY (Universitas Negeri Yogyakarta) jurusan Pendidikan Basa Daerah. Ati kula tansah bungah sanget ngantos mboten saged nguwawi raos syukur dhumateng Gusti Kang Maha Asih.

Lajeng kula kemutan ngendikanipun ibu. Inggih menika "Sapa wong kang temen, bakal tinemu" "Sinten ingkang estu, badhe pinanggih" tegesipun inggih menika "menawi panjenengan gadhah pangajab kagem ngupadi ilmu ingkang yektos, mila panjenengan kedah satuhu-tuhu, mangke pangajabipun saged dipunijabahi dening Gusti Kang Maha Asih. Ananging menawi anggenipun panjenengan ngupadi ilmu namung sepalih-sepalih, ampun kuciwa menawi panjenengan mboten saged pikantuk gegayuhan panjenengan."